कार्तिक २६, सिमकोट । हुम्ला जिल्ला सदरमुकाम सिमकोट बजारमा सुरक्षार्थ खटिएका नेपाल प्रहरीका एक जपानमाथि हातपात भएको छ ।
जिल्ला प्रहरी कार्यालयमा कार्यरत२५ वर्षिय प्रहरी जवान ललित वलीमाथि दुईजना स्थानीयले हातपात गरेको बताइएको छ ।
सिमकोट बजार बालमन्दिर चोक नजिकै चुरोट खाईरहेका बेला नेपाल प्रहरीको पोशाक लगाएर खटिएका प्रहरी जवान वलीले सार्वजनिक ठाउँमा चुरोट खाएको देख्दा नखान आग्रहर गर्दा अजय रोकाया र कमल शाहीले गाली गलोज गर्दै हातपात गरेको जिल्ला प्रहरी कार्यलय हुम्लाले जानकारी दिएको छ । सार्वजनिक ठाउँमा चुरोट नखान भन्दा प्रहरी जवान माथि तिम्रो बाउको सम्पति खाएको हैन् भन्दै उल्टै हातपात गरेको वलीले नेपालबोलाई जानकारी दिए ।
प्रहरीमाथि जाई लाग्ने चंखेली गाउँपालिका ३ मेलाखाका १९ वर्षिय अजय रोकाया र सर्केगाड गाउँपालिका ६ का २० वर्षिय कमल शाही रहेको बताईएको छ । दुवै जनालाई प्रहरीले २५ गते साँझ पक्राउ समेत गरेको छ । आरोपित दुवै जनालाई सोमबार मुद्धा चलान गरेको जिल्ला प्रहरी कार्यालय हुम्लाका निमित्त प्रहरी प्रमूख गेहेन्द्रबहादुर बोगटीले जानकारी दिए ।
.jpg)
.jpg)
