माघ २४, अर्घाखाँची । जेठी पत्नीलाई शारीरिक तथा मानसिक हिंसा गर्ने पति र उनकी कान्छी श्रीमति पक्राउ परेका छन्। अर्घाखाँचीको छत्रदेव गाउँपालिका-१ चिदिका घर भएका ३४ वर्षीय दिपक खनाल र उनकी कान्छी श्रीमती पक्राउ परेका हुन्।
दोश्रो विवाह बदर गर्न माग गर्दै खनालकी पहिलो श्रीमतीले बहुविवाहसम्बन्धी जाहेरी दिएपछि खनाल र उनकी कान्छी श्रीमतीलाई रुपन्देहीको बुद्धचोकबाट पक्राउ गरिएको जिल्ला प्रहरी कार्यालय अर्घाखाँचीका प्रमुख प्रहरी नायब उपरीक्षक नवराज मल्लले जानकारी दिए।घटनाबारे अनुसन्धान भइरहेको प्रहरीले जनाएको छ।
