काठमाडौं । चिनियाँ राष्ट्रपति सी चिनफिङले नेपाल–भारतको सीमा विवादमा चीन पर्न नचाहेको भन्दै दुई पक्षले समाधान गर्नुपर्ने बताएका छन्।
प्रधानमन्त्री केपी शर्मा ओलीसँगको भेटमा चीनका राष्ट्रपति सीले यस्तो बताएको परराष्ट्र मन्त्रालयका सचिव अमृतबहादुर राईले जानकारी दिए।
भेटमा प्रधानमन्त्री ओलीले राष्ट्रपति सीसमक्ष भारत–चीनबीच हालै लिपुलेक मार्ग हुँदै सीमा व्यापार सम्बन्धी भएको समझदारीको प्रसङ्ग उठाएका थिए। प्रधानमन्त्री ओलीले सो भूभाग नेपालको क्षेत्रभित्र पर्ने उल्लेख गर्दै यस विषयमा नेपाल सरकारले कडा आपत्ति जनाएको चीनका राष्ट्रपति सीसमक्ष बताएका थिए।
जवाफमा राष्ट्रपति सीले लिपुलेक मार्ग परम्परागत रुपमा प्रयोगमा हुँदै आएको नाका भएको बताए। तर नेपाल–भारतको सीमा विवादमा चीन कसैको पनि पक्षधर नहुने स्पष्ट पारेको सचिव राईले जानकारी दिए।
राष्ट्रपति सीले लिपुलेकमाथि नेपालको दाबीमा कुनै कमी हुन नदिइने बताए।
भेटमा प्रधानमन्त्री ओलीले राष्ट्रपति सीसँग नेपाल चीनबीचका नाकाहरु पुर्ण रुपमा सञ्चालन गर्न चीनिया पक्षको सहयोगको अपेक्षा गर्नु भएको प्रधानमन्त्रीका आर्थिक सल्लाहकार डा. युवराज खतिवडाले जानकारी दिए ।
'वेल्ट एण्ड रोज इनिसियटिको कामलाई छिटो अघि बढाउन राष्ट्रपति सीसँग आग्रह गर्नुभएको छ', वार्ताका बारेमा जानकारी दिदैं डा. खतिवडाले भन्नुभयो, 'भेटमा राष्ट्रपति सीले हामी नेपाललाई भुपरिवेष्टीत मुलुकबाट ल्याण्ड लिंक राष्ट्रका रुमा हेर्न चाहन्छौं भन्नु भएको छ । दोस्रोमा व्यापारिक नाकाहरु खोलेर सूचारु गर्नेमा प्रतिवद्धता व्यक्त गर्नु भएको छ । तेस्रो भनेको खासगरी चीनमा नेपालको तर्फबाट ठूलो मात्रामा निर्यात बढाउनका लागि गुणस्तरिय कृषि योग्य वस्तु र औधोगिक विकासका लागि चीनको सहयोग रहने छ । खासगरी अहिलेको सूचना प्रविधि र एआइ प्रविधिमा चीनले सहयोग गर्छ भनेर भनाई राख्नु भएको छ । सिमा विवादको विषयमा अहिले आएको विवाद समाधान गर्न चीन चयार रहेको प्रतिवद्धता व्यक्त गर्नु भएको छ । बुहपक्षिय रुपमा हाम्रो अन्तराष्ट्रिय सम्बन्धलाई अघि कढाउने कुरामा नेपालको पनि सहयोग रहने छ भन्ने आशा व्यक्त गर्दै दुई पक्षिय सयन्त्र बनाएर अघि बढ्न चीन प्रतिवद्ध रहेको कुरा उल्लेख गर्नु भएको छ ।'
