असोज १, सुर्खेत । पारिवारिक निजि वन संघ कर्णाली प्रदेशको संयोजकमा हुम्लाका गोविन्दबहादुर शाही निर्विरोध निर्वाचित भएका छन् ।
सोमबार (आज) कर्णाली प्रदेशको राजधानी सुर्खेतमा भएको प्रदेश स्तरिय निजिवन सम्बन्धि अगुवा कृषकहरुको भेलाले शाहीको संयोजकत्वमा ९ सदस्यीय तदर्थ समिति गठन गरेको हो ।
सुर्खेतमा सम्पन्न भेलाबाट हुम्लाकै विनोदकुमार शाही सहसंयोजकमा निर्वाचित भएका छन् ।
सुर्खेतमा सम्पन्न कर्णाली प्रदेश स्तरिय भेलाले निर्वाचित गरेको पारिवारिका निजि वनका पदाधिकारी ।
कर्णाली प्रदशेका १० वटा जिल्लामध्ये दैलेख संयोजक ऋषी अधिकारी, कालिकोटका संयोजक ब्यासी बम र जुम्लाका संयोजक मानबहादुर रोकायालाई पदेशन सदस्यका रुपमा निर्वाचित गरिएको नवनिर्वाचित सहसंयोजक शाहीले जानकारी दिए ।
उनका अनुशार दैलेखकै विशाल सुनार, सुर्खेतकी शोभा विक र हुम्लाकी नौरता छत्याल पनि प्रदेश सदस्यमा निर्वाचित भएका छन् ।
भेलाले निजि वन संघको संगठन बिस्तारको कामलाई तिब्रता दिनुका साथै आगामी ६ महिना भित्रमा कर्णाली प्रदेश स्तरिय अधिबेशनको आयोजना गरेर बिधान बमोजिमका कमिटी निर्माण गर्ने निर्णय गरेको छ ।
निजि वनमैत्रि कानुन निर्माणमा जोड
पारिवारिक निजि वन संघको कर्णाली प्रदेश स्तरिय भेलाले पारिवारिक निजि वन मैत्री कानुन निर्माणका लागि तिनै तहका सरकारलाई आग्रह गरेको छ । सोमबार सम्पन्न भेलाले संविधानले व्यवस्था गरेको स्थानीय, प्रदेश र संघिय संसद तथा सरकारले निर्माण गरिरहेका कानुनमा निजि र पारिवारिक वनका धनीलाई समेत ध्यानमा राख्न जोड दिइएको छ । प्रदेशका संयोजक गोविन्दकहादुर शाहीले भने “अहिले सरकारले निजि र पारिवारिक वनलाई समेत सरकारी, सामुदायिक र कवुलियत वनकै सरह व्यवहार गरिरहेको छ । यो कदावी न्यायचित छैन् ।”
आफैले मलजल गरेर हुर्काएको गैरकाष्ठ वनपैदावार देखि विभिन्न उत्पादनहरुको संकल र निकासी पैठारीमा समेत कडाई गर्दा आम निजि वन र पारिवारिक वनका धनी कृषक पिडित बन्नु परेको छ । संयोजक शाहीले भने “यो प्रकारको कानुनी विभेदलाई अब नयाँ बन्ने सबै तहका कानुनले नगरोस भन्ने हाम्रो मान्यता हो ।”
नव निर्वाचित प्रदेश कमिटिीलाई पद तथा गोपनियताको सपत खुवाउदै प्रदेश संयोजक गोविन्दबहादुर शाही
