मंसीर १२, हुम्ला । हुम्ला सदरमुकाम सिमकोटमा कार्यरत सरकारी तथा गैरसरकारी कार्यालयका कर्मचारीलाई उपलब्ध गराउदै आएको मासिक १५ केजी चामलाका लागि अब बैंक स्टेटमेण्ट देखापउनु पर्ने भएको छ ।
चामल पाउनका लागि तलब खाएको बैंक स्टेटमेन्ट देखाउनुपर्ने बाध्यता छ ।
जिल्लामा कार्यरत सरकारी वा गैरसरकारी कार्यालयमा कार्यरत प्रतिकर्मचारीलाई उपलब्ध गराइने चामलको दुरुपयोग गर्न कार्यालयबाट फेक कर्मचारीको सूचि आएपछि चामल वितरण तथा नियमनको जिम्मा लिएको जिल्ला प्रशासन कार्यालय हुम्लाले जिल्ला स्थित राष्ट्रिय वाणिज्य बैंक र सिटिजन इन्टरनेशनल बैंकबाट तलब प्राप्त गरेको कागज र कार्यालयको हाजिरी रेकर्डलगायत कागजात पेश गर्न बाध्य बनाइएको छ ।
आफू कार्यरत कार्यालयको सिफारिस सहित बैंक स्टेटमेण्ट सहितको निवेद सहित सबै कागजातका आधारमा प्रमुख जिल्ला अधिकारी माधवप्रसाद ढुङ्गानाले १५ किलोग्राम चामल उपलब्ध गराउनका लागि नेपाल खाद्य संस्थान सिमकोट शाखामा चामल दिनका लागि कोटा एकिन गेर तोक आदेश गर्ने गरिएको छ ।
प्रमुख जिल्ला अधिकारीको तोक लागेको कागजात प्राप्त भएपछि सम्बन्धीत कर्मचारीले १५ किलोग्राम चामल नेपाल खाद्य संस्थानको नजिकको शाखाबाट प्राप्त गर्ने गर्छ । उक्त परिमाणको चामल प्राप्त गर्नका लागि यहाँका कर्मचारीले कहिले हाजिरी फाइल त कहिले तलव पाएको बैंकको स्टेटमेन्टका लागि भौतारिने गरेका छन् ।
गएको भदौ महीनादेखि चामल नपाएका कर्मचारीले मङ्सिर ११ गतेदेखि वितरण गरिएको १५ किलोग्राम चामल प्राप्त गर्नका लागि विभिन्न समस्या झेल्नुपरेको कर्मचारीको गुणासो छ ।
चामलको बिक्री वितरणमा अनियमितता
हुम्लाको दक्षिण भेगस्थित नेपाल खाद्य संस्थान श्रीनगर शाखाले लामो समयपछि खाद्यान्न बिक्री वितरण गर्न लागेको छ ।
बिहीबारदेखि सर्वसाधारणलाई चामल बिक्री वितरण गरिने भनिए पनि त्योभन्दा अगाडि नै शाखाले २६४ बोरा चामल बिक्री गरिएको पाइएको छ ।
अदानचुली गाउँपालिकाका छ वटै वडालाई मङ्सिर १३ गतेदेखि चामल बिक्री वितरण गर्न लागेको श्रीनगर शाखा प्रमुख नवीनकुमार आचार्यले जानकारी दिए। शाखामा भदौदेखि चामल नपाएको उनले बताए ।
श्रीनगर शाखामा आज बसेको सर्वदलीय सर्वपक्षीय बैठकले मङ्सिर १३ गतेदेखि चामल बिक्री वितरण गर्ने निर्णय गरेको शाखा प्रमुख आचार्यले बताए । केही दिनअघिदेखि चामल आउन शुरु गरेको भएपनि विवाह व्रतबन्ध गर्ने भन्दै अदानचुली गाउँपालिकामा २६४ बोरा चामल अनियमित तरिकाले बिक्री वितरण गरिएको श्रीनगरका कालीबहादुर थापाले बताए ।
चामल लिएकामध्ये अधिकांशले विवाह व्रतबन्ध नगरेको पाइएको पनि उनले बताए । वडापालिकाको सिफारिशमा शाखाले अनियमित तरिकाबाट चामल वितरण गरेको स्थानीय राजनीतिक दलले जनाएको छ ।
चामल बिक्री वितरण गर्नुमा आफ्नो कुनै दोष नरहेको शाखा प्रमुख आचार्यको भनाइ छ । वडाध्यक्षको सिफारिशमा आफूले बिक्री वितरण गरेको उनले बताए । आज दिउँसो बसेको सर्वदलीय बैठकमा चामल बिक्री वितरण गर्ने निर्णय नभएको हुँदा आवश्यकता हेरी सिफारिश दिएको वडाध्यक्ष कार्यालयले जनाएको छ ।
ठेकेदारको कमजोरीका कारण समयमा यहाँ चामल पुग्न नसकेको स्थानीयवासीको गुनासो छ । हुम्लामा चामल भित्रिएपछि यसको बिक्री वितरणमा राजनीतिसमेत हुने गरेकाले सर्वसाधारण सास्ती भोग्नुपरेको छ । हुम्लामा भित्रिएको चामलमा अनियमितता हुने गरेकाले यसको खोजीमा यहाँ बासिन्दा छिमेकी जिल्ला मुगु, बाजुरालगायतमा पुग्नुपर्ने बाध्यता छ ।च्क्क्
