माघ २४, काठमाडौं । त्रिभुवन विश्वविद्यालय संस्कृति केन्द्रीय विभाग र कुलचन्द गौतम स्मृति संस्थाविच संस्कृत केन्द्रीय विभागको नाममा सहमती भएको छ ।
बिहिबार (आज) भएको सहमतीमा त्रिभुवन विश्व विद्यालयको वहुउदेश्यीय भवन निर्माण गरी संस्कृत, साहित्य, वेद, योग लगायतका विधाहरुमा अध्ययन÷अनुसन्धान गर्ने सहमति भएको छ ।
उपकुलपति कार्यालयमा आयोजित सम्झौता–पत्र हस्तान्तरण कार्यक्रमलाई सम्वोधन गर्दै उपकुलपति प्रा.डा. तीर्थराज खनियाले समाजका महत्वपूर्ण व्यक्तित्वसँग जोडिएर विश्वविद्यालयहरुका शुभचिन्तकहरुले अनुसन्धान केन्द्र खोल्ने प्रयत्न गर्नुआफैमा पवित्र काम भएको बताए ।
विद्धानहरुको नाममा स्थापित संघसस्थाले विश्वविद्यालयका केन्द्रीय विभागहरुसँग सहकार्य गर्दा प्राज्ञिक गतिविधि बढ्नुको साथै ज्ञान उत्पादनमा महत्वपूर्ण सहयोग प्राप्त हुनेमा जोड दिए ।
कार्यmममा कुलचन्द गौतम स्मृति संस्थाका अध्यक्ष डा.प्रसन्नचन्द्र गौतमले संस्कृत र नेपाली साहित्यका विद्धान कुलचन्द्र गौतमको नाममा त्रिभुवन विश्वविद्यालयमा प्राज्ञिक अध्ययन एवं अनुसन्धान हुनु मुलुककै लागी गर्वको विषय रहेको बताए । उनले संस्कृति केन्द्रीय विभागको नाममा ४ हजार वर्गफिटको भवन निर्माण गरी प्राज्ञिक एवं अनुसन्धानका कार्य अगाडि वढाउने प्रतिवद्धता व्यक्त गर्नुभयो ।
त्रिवि संस्कृत केन्द्रीय विभागका विभागीय प्रमुख प्रा.डा नारायणप्रसाद विद्धान कुलचन्द्र गौतमको नाममा प्राप्त सहयोगले संस्कृत केन्द्रीय विभागमा योगमा स्नातक विषय सञ्चालयमा ल्याउने र संस्कृत विषयका प्राज्ञिक अनुसन्धान कार्यलाई अघि वढाउनेमा जोड दिए ।
दुवै पक्षबिच भएको सम्झौता–पत्रमा त्रिभुवन विश्वविद्यालय संस्कृत केन्द्रीय विभागको तर्फवाट विभागका प्रमुख प्रा.डा नारायण प्रसाद गौतम र कुलचन्द्र गौतम स्मृति संस्थाका अध्यक्ष डा.प्रसन्नचन्द्र गौतमले हस्ताक्षर भएको हो ।
