जेठ २७, सिमकोट । नेपाल कम्यूनिष्ट पार्टी (नेकपा) हुम्ला जिल्ला कमिटिको पहिलो बैठक आयोजना गरेको एक दिनमै स्थगित भएको छ ।
कर्णाली प्रदेशको दोस्रो पूर्ण बैठकबाट समायोजन गरिएको जिल्ला कमिटिको पूर्ण बैठक आगामी असार ३ गते बस्ने निर्णय गरिएको एक दिनमै बैठक स्थगित भएको बताइएको छ । प्रदेशका नेताहरुको सल्लाहमा आयोजना गरिएको बैठक प्रदेशकै नेताहरुको कार्य व्यस्तताका कारण स्थगित गरिएको छ नेकपाका अध्यक्ष लालकेश जैशीले नेपालबोटसँग भने, “बैठकमा प्रदेश ईन्चार्ज, सहइन्चार्ज, अध्यक्ष र सचिव लगायत कर्णाली प्रदेशका मूख्य मन्त्रीको मिेत उपस्थित नहुने भएपछि तत्कालका लागि बैठक स्थथिगत भएको हो ।” असार ३ गते स्थगित भएको पहिलो बैठक अगामी असार ७ गते बस्ने अध्यक्ष जैशीले पुष्टि गरे ।
दशवटै जिल्ला कमिटको बैठकको मिति प्रदेशबाटै तोकियो
कर्णाली प्रदेश मातहतका दश वटै जिल्लाको पहिलो जिल्ला कमिटि बैठक प्रदेश कमिटिले नै तोकेको छ ।
नेकपा जिल्ला कमिटिका बैठक सम्बन्धी प्रदेश कमिटिको योजना सार्वजनिक गर्दै कर्णाली प्रदेशका सचिव मायाप्रसाद शर्माले पोष्ट गरेको स्टाटस
प्रदेश कमिटिका सचिव मायाप्रसाद शर्माले आप्mनो फेसवुकमा सोमबार साँझ बैठकको मिति सार्वजनिक गरेपछि पुर्व निर्धारित बैठक स्थगित भएका हुन् ।
शर्माका अनुशार नेकपा मुगुको जेठ ३० गते, दैलेखको असार ३ गते, रुकुम पीशचमको ५ गते, हुम्लाको असार ७ गते बस्ने मिति तय भएको छ । यसैगरी कालिकोटको असार ९ गते, जुम्लाको १० गते, जाजरकोटको असार १५ गते, सल्यानको असार १७, सुर्खेतको १९ र डोल्पाको असार २५ गते बस्ने निर्णय भएको छ ।
