काठमाडौं । जेन जी समुहले गरेको आन्दोलन पछि देशले पहिलो महिला प्रधानमन्त्री पाउने पक्का भएको छ । राष्ट्रपति कार्यालय सितल निवाशमा राष्ट्रपति रामचन्त्र पौडेल, सभामुख देवराज घिमिरे, प्रधान सेनापति शोकराज सिग्देल, जेनजी प्रतिनिधि, संवैधानिक कानुनविद् र राजनीतिका दलका नेताहरूसँग बृहत् छलफलपछि यस्तो निर्णय भएको स्रोतले जनाएको छ ।
राष्ट्रपति कार्यालय सितल निवाशका अनुसार छफलले पूर्वप्रधानन्यायाधीश सुशीला कार्की प्रधानमन्त्री बन्ने पक्का भएको हो।
राष्ट्रपति रामचन्द्र पौडेलको आह्वानमा शीतल निवासमा बसेको सर्वपक्षीय बैठक बसेको थियो । भर्खरै सकिएको उक्त बैठकले कार्कीलाई प्रधानमन्त्री बनाउने निष्कर्ष निकालेको हो।
'आवश्यकताको सिद्धान्तअनुसार कार्कीलाई प्रधानमन्त्री बनाइने निर्णइ भएको छ', स्रेत भन्छ, 'अन्यथा नभए भोलि (सुक्रबार) बिहानसम्म कार्कीलाई प्रधानमन्त्री पदमा नियुक्ति गरी सपथ खुवाइने सहमती भएको छ।'
उक्त निर्णयमा पुग्न राष्ट्रपति पौडेलले प्रधानसेनापति अशोकराज सिग्देल, सभामुख देवराज घिमिरे, जेनजी प्रतिनिधि, संवैधानिक कानुनविद् र राजनीतिका दलका नेताहरूसँग बृहत् छलफल गरेका थिए। सोही छलफलमा पूर्वप्रधानन्यायाधीश कार्कीलाई प्रधानमन्त्री बनाउने विषयमा सहमति जुटेको स्रोतको भनाइ छ।
यसअघि नै जेनजी प्रतिनिधिहरूले कार्कीलाई अन्तरिम सरकारको नेतृत्व सुम्पिन लबिङ गर्दै आएका थिए।
