असोज १०, लिबाङ रोल्पा । नेत्रविक्रम चन्द विप्लव नेतृत्वको नेपाल कम्युनिस्ट पार्टीले रोल्पा बन्दले रोल्पाली जनजीवन प्रभावित भएको छ ।
नेकपा विप्लवको बन्द आव्हानका कारण बुधबार (आज) बिहानैदेखि यहाँका बजार खुलेका छैनन् । यातायातका साधन पनि चलेका छैनन् । उच्च माध्यमिक विद्यालय र क्याम्प सको बिहानी कक्षा अबरुद्ध भएका छन् ।
असोज दश गत्ते बन्द भन्ने सूचना भएपनि यद्यपि, बन्द कति गत्ते भन्ने विज्ञप्तिमा उल्लेख छैन । तर आज जिल्ला बन्द भएको हो । नेपालबोटलाई प्रप्त माओवादीद्धारा जारी विज्ञाप्तिमा मिति समेत उल्लेख गरिएको छैन्।
रोल्पा बन्दका कारण सुनसान बनेको लिबाङ बजार
नेकपाका जिल्ला सेक्रेटरी सन्तोष सुवेदी प्रयासलाई प्रहरीले गरेको गिरफ्तारीको विरुद्ध जिल्ला बन्द आव्हान गरेको बताइएको छ आफ्ना नेता र कार्यकर्ताको निशर्त रिहाई हुनुपर्ने भन्दै नेकपाको जिल्ला पार्टीले गिरफ्तारीको कडा शब्दमा विरोध गरेको छ ।
कार्यवाहक सेक्रेटरी विश्वको हस्ताक्षरमा जारी विज्ञाप्तिमा शान्तिपुर्ण रुपमा साँस्कृतिक कार्यक्रममा सहभागी भैरहेको वेला सेक्रेटरी सुवेदीलाई गुण्डा शैलीमा गिरफ्तार गरेको भन्दै चर्को बिरोध गरिएको छ । सुवेदीलाई एक हप्ताअघि रोल्पा नगरपालिका १० धबाङको भनभनेबाट प्रहरीले नियन्त्रणमा ल्याएको थियो । शान्ति सुरक्षामा खलल पारेको आरोपमा उनलाई सार्वजनिक मुद्दामा अनुसन्धान भैरहेको जिल्ला प्रहरी कार्यालय रोल्पाले जनाएको छ ।
रोल्पा बन्दका कारण सुनसान बनेको लिबाङ बजार
सुवेदी पक्राउ पर्नु अघि नेकपाका सचिवालय सदस्य दिनेश वली पनि पक्राउ परेका थिए । वली केही दिनअघि रिहा भैसकेको प्रहरीले जनाएको छ । केही दिन अघि मात्र नेकपाकै अर्का नेता सुर्य खड्कालाई पनि प्रहरीले पक्राउ गरेको छ । आफ्ना कार्यकर्ताको सृंखलावद्ध गिरफ्तारीले नेकपाका नेता आक्रोशित बनेका छन् ।
नेकपाले रोल्पालाई मात्र बन्द गराएर वर्तमान सरकार र रोल्पाको प्रशरी प्रशासन प्रति आक्रोशको सन्देश दिन चाहेको बताइएको छ। बन्दले भने जनजीवन प्रभावित भएको छ । करिव ९० हजार विद्यार्थीको पढाइ अवरुद्ध भएको छ । लामो र छोटो दुरीका यातायातका साधन नचल्दा यात्रु अलपत्र परेका छन ।
नेकपा माओवादी विप्लवद्धारा रोल्पा बन्दको अवसरमा जारी गरिएको विज्ञप्ती
जिल्ला भित्रिने सवारी साधन भिंग्रीमा रोकिएका छन । दक्षिणी रोल्पा भित्रिने सवारी साधन दाङ घोराही र होलेरीको सिमानामा अलपत्र परेको यातायात व्यवसायीले जनाएका छन् । सदरमुकाम लिबाङ पुरै सुनसान छ । बालबालिका सडकमा क्रीकेट खेलिरहेका छन् । पुर्वी सुलिचौर बजार, दक्षिण होलेरी र पश्चिमी घर्तिगाउँ, बागमारा लगायतका बजार बन्द छन् ।
