असोज २०, सिमकोट । नेपाली कंग्रेस हुम्लाले जिल्लाका सबै स्थानीय तहमा छायाँ सरकराको भूमिका खेल्ने निर्णय गरेको छ ।
जिल्लाका सातवटै गाउँपालिका र ४४ वटै वडाका अगुवा कार्यकर्ताहरु सहभागि भएको दुई दिने जिल्ला कार्यकर्ता भेलाले उक्त निर्णय गरेको नेपाली जिल्ला सभापती जयपति रोकायाले जानकारी दिए ।
जिल्लाका सातवटै स्थानीय तह स्तरिय समुह बनाएर छलफल गरेको नेपाली कंग्रेसले नागरिकसँग प्रत्यक्ष सरोकार राख्ने स्थानीय तहका गतिविधिलाई निगानी गर्ने निचोडमा पुगेको हो ।
कार्यकर्ता भेलाको दोस्रो दिन शनिबार (आज) ३ बुधें घोषणा–पत्र समेत जारी गरेको कंग्रेसले पार्टी भित्र विगतमा भएका कमजोरीलाई आत्मसमिक्षा गर्दै सबै नेता तथा कार्यकर्ताको समान बुझाई र समभाव सहित जिल्लाका सबै नेता कार्यकर्ता एक ढिक्का भएर सङ्गठन सुदृढीकरण गर्न लाग्ने जनाएको छ ।
दुई दिने भेलाको अन्तमा सामाजिक सञ्जालबाट सार्वजनिक गरेको घोषणा–पत्रमा कंग्रेसले भनेको छ, “अब नेपाली कंग्रेस हुम्लाले जिल्लाका सबै गाउँपालिकामा घरदैलो अभियान सञ्चालन गर्ने छ ।”
पार्टीका पछिल्ला गतिविधि र तिनै तहका सरकारका कामका बारेमा निगरानी गर्ने निचोड निकालेको कंग्रेसले गाउँपालिकामा आप्mनो उपस्थितीलाई बलियो बनाउन छायाँ सरकारकै रुपमा काम गर्ने रणनीति अपनाएको उल्लेख गरेको छ ।
नेपाली कंग्रेस हुम्लाले आयोजना गरेको दुई दिने भेलामा सहभागि कार्यकर्ता
गएको वर्ष सम्पन्न तिनै तहका निर्वाचनमा पराजय भोगेको कंग्रेसले गाउँमा आप्mनो उपस्थिती कमजोर भएको समिक्षा गरेका कंग्रेस कार्यकर्ताले पार्टीभित्रको गुटको अन्त गर्न भन्दै तिनै तहको नेतृत्वको चर्को आलोचना गरेका छन् ।
परिवर्तित समय र संरचना अनुशार जिल्लाका सबै पालिका स्तरिय प्रक्षिण कार्यक्रम सञ्चालन गर्ने निर्णय गरेको कंग्रेसले अब एकताबद्ध भएर पार्टी सुदृढिकरणमा लाग्ने प्रतिवद्धता जनाएको छ ।
नव निर्मित पार्टीको भवनमा सञ्चालन भएको कार्यकर्त भेलामा पार्टीका केन्द्रिय सदस्य तथा कर्णाली प्रदेशसभाका प्रमूख प्रतिपक्ष दलका नेता जीवनबहादुर शाहीले पार्टीको केन्द्रिय नीतिका बारेमा प्रशिक्षण दिएका थिए ।
सातवटा गाउँपालिका भएको हुम्लामा सदरमुकाम सिमकोट र खार्पुनाथमा स्थानीय तह जितेको कंग्रेसले प्रदेशसभा र प्रतिनिधिसभाका तिन सिटमध्ये प्रदेशसभा ‘ख’ मा मात्रै जित हाँसिल गरेको छ ।
