नेपालमा कोरोना भाइरस संक्रमितको संख्या १४ हजार नाघेको छ । पछिल्लो २४ घन्टामा देशभर ४ सय ८२ जनामा कोरोना भाइरस संक्रमण भएको पाइएको स्वास्थ्य तथा जनसंख्या मन्त्रालयले जनाएको छ ।
नियमित पत्रकार सम्मेलनमा मन्त्रालयका प्रवक्ता डा.जागेश्वर गौतमले विभिन्न जिल्लामा ४ सय ८२ जनामा पछिल्लो २४ घन्टामा कोरोना संक्रमण पुष्टि भएको जानकारी दिए । उनका अनुसार देशभर संक्रमितको संख्या १४ हजार ४६ पुगेको छ ।
संक्रमितमध्ये ४ हजार ६ सय ५६ जना उपचारपछि घर फर्किए भने ३० जनाको ज्यान गएको छ ।
