कार्तिक १५, धनगढी । नवगठित नेपाल कम्यूनिष्ट पार्टी नेकपाको आन्तरिक विवदा समाधानका लागि प्रदेश ७ मा प्रदेश सरकारको मन्त्रीपरिषद विस्तार गर्न लागिएको छ ।
प्रदेश सरकार गठन भएको एक वर्षसम्म पनि काम गर्न नसकेको भन्दै आलोचना खेपिरेको सुदूरपश्चिम प्रदेश सरकारले तेस्रो पटक मन्त्रीपरिषद विस्तार गर्न लागिएको हो ।
प्रदेश मन्त्रीपरिषदमा दुई जना राज्यमन्त्री र एक मन्त्री थप्ने तयारी भएको नेकपा प्रदेश ७ को पार्टी स्रोतले जनाएको छ । प्रदेश सभाको सदस्य संख्याको २० प्रतिसतसम्म मन्त्री नियुक्त गर्न सकिने संविधानमा उल्लेख गरे अनुसार नेकपाले मन्त्रीपरिषद विस्तारको तयारी गरेको नेकपा प्रदेश ७ का एक नेताले नेपालबोटलाई जानकारी दिए ।
५३ सदस्यीय प्रदेश सभामा तेस्रो पटक मन्त्रीपरिषद विस्तारको तयारी थालिएको हो । संविधानमा उल्लेख भएको प्रावधान अनुसार प्रदेशमा ११ जना मन्त्री बनाउन सकिने व्यवस्था छ । अहिले मुख्यमन्त्री सहित ७ जना मन्त्री र एकजना राज्यमन्त्री गरी ८ जनाको मन्त्रीपरिषद छ ।
यसका लागि केही दिनअघि नै दुई नेता भीम रावल र लेखराज भट्टबीच अनौपचारिक सहमति भएको थियो । मन्त्रीपरिषद विस्तार गरी ११ जना बनाउने सल्लाह उनीहरुबीच भएको बुझिएको छ । २०७४ को माघ ७ गते सपथ खाएका मन्त्रीहरुले भने अहिलेसम्म सेवा सुविधा लिन भन्दा अरु केही काम नगरेको जनताको आरोप छ । दसैंअघि मात्रै प्रदेश मन्त्रीपरिषदमा तत्कालिन एमालको तर्फबाट कञ्चनपुरका प्रकाश रावल वन वातावरण उद्योग तथा पर्यटन राज्यमन्त्री नियुक्त भएका थिए । मन्त्रीपरिषद विस्तारको चर्चासँगै प्रदेशसभा सदस्यहरु दुई नेता रावल र भट्टकहाँ दौडधुप गर्न थालेका छन् ।
तत्कालिन माओवादी केन्द्रको नेता बझाङकी देवकी मल्लको नाम मन्त्रीपरिषदमा नियुक्त बन्ने अग्रपङ्तीमा छ । तत्कालिन एमालेबाट मन्त्री भए पनि अहिले नेकपाका प्रमुख सचेतक तारा लामा तामाङको नाम पनि चर्चामै छ ।
एमालेबाटै राज्यमन्त्रीका लागि दार्चुलाबाट गेल्बुसिंह बोहरा, डोटीबाट पूर्णा जोशी, कैलालीबाट नन्दबहादुर साउद र रतन थापाको नाम चर्चामा छ । स्रोतका अनुसार कैलाली र डोटीबाट मन्त्री थपिने सम्भावना न्इुन छ । यी जिल्लाको प्रतिनिधित्व यसअघि नै मन्त्रिपरिषदमा भएकाले दार्चुला र बझाङलाई प्राथमिकता दिने बुझिएको छ ।
डोटीका त्रिलोचन भट्ट स्यवं मुख्यमन्त्री छन् भने कैलालीबाट दीर्घ सोडारी सामाजिक विकास मन्त्री र विनिता चौधरी भुमीसुधार कृषि र सहकारी मन्त्री छन् । बैतडीबाट माया भट्ट बन वातावरण उद्योग तथा पर्यटन मन्त्री छन् भने कञ्चनपुरबाट प्रकाश रावल यही मन्त्रालयका राज्यमन्त्री छन् ।
नेकपाका सुदूरपश्चिम प्रदेश अध्यक्ष कर्णबहादुर थापाले भने सरकार विस्तारको कुरा हल्ला मात्रै भएको दावी गरेका छन् । उनले त्यस विषयमा कुनै सल्लाह नै नभएको जिकिर गरे । ‘अहिले प्रदेश सरकार राम्ररी ‘फङ्सन’ मै आएको छैन, यस्तो अवस्थामा मन्त्रीपरिषद विस्तार कसरी सम्भव छ रु’ उनले भने, ‘जनताले विकास र समृद्धी चाहेका छन् । सरकार विस्तार भन्दा पनि काम गर्नु पर्छ सरकारले ।’ नेकपामा पार्टी ईञ्चर्ज भीम रावल, पार्टी अध्यक्ष कर्ण थापा सहितका नेताहरु यतिबेला प्रदेश र जिल्लामा पार्टी एकीकरणका लागि सुदूरपश्चिम आएका छन् ।
