मुगु । व्यापारीहरुको छाता संस्था उद्योग बाणीज्य संघ मुगुमा कमलबहादुर बुढाको नेतृत्वको टोली निर्विरोध निर्वाचित भएको छ ।
शनिबार सम्पन्न संघको सातौ जिल्ला अधिवेशनको बन्त्र सत्रबाट अध्यक्ष सहित सबै पदाधीकारीहरु सर्वसम्वत निर्वाचित भएका हुन् ।
निर्वाचित पदाधीकारीहरुमा रत्नसिघं मल्ल प्रथम उपाध्यक्ष, जंगबहादुर शाही द्धतिय उपाध्यक्ष, नृपेन्द्रबहादुर मल्ल महासचिव, जयबहादुर शाही कोषाध्यक्ष र मानबहादुर बुढा सचिवमा निर्वाचित भएको निर्वाचन समितीका संयोजक कुवेरजंग शाहीले जानकारी दिए ।
यस्तै गरि खुल्ला सदस्यहरुमा रवि रावत, नरेन्द्र रोकाया, हरिमन भण्डारी, विष्णु रावत, जया बुढा र कर्णसिंग बुढा निर्वाचित हुनु भएको छ भने समावेशी सदस्यहरुमा दलितबाट गंगासिंग कामी , जनजातीबाट दिनेश श्रेष्ठ र महिला बाट बाँचुकली रावत पनि सर्वसम्मत निर्वाचित भएको निर्वाचन समितीले जानकारी दिएको छ ।
शनिबारै बसेको नवनिर्वाचित जिल्ला कार्य समितीको पहिलो बैठकले संघको विद्यान २०५४ को दफा २५ (झ) अनुसार ५ जना सदस्यहरु समेत मनोनित गरेको छ ।
संघका अध्यक्ष कमलबहादुर बुढाका अनुसार मनोनित हुनुहुनेहरुमा रमेशकुमार मल्ल, कर्ण बुढा, राजन भण्डारी, गौरीकला सावत र लक्ष्मी प्रसाद भामरहेका छन ।
देशको परिवर्तित संरचना अनुसार संघका पालिका स्तरिय शाखा खोल्न र वस्तुगत सदस्यता दिनका लागी नितिगत रुपमा विद्यान संशोधन र शाखा तथा वस्तुगत संघ सञ्चालन कार्यविधी बनाउन बन्धसत्रमा पेश भएको प्रस्तावमाथी छलफल गदै कार्यविधी बनाउने र विद्यान संशोधन गर्ने अधिकार सातौं अधिवेशनले नव गठित संघको कार्य समितीलाई दिने निर्णय सर्वसम्मत पारित गरेको छ ।
