काठमाडौं । नेपाली कांग्रेसको १४ औं महाधिवेशनको सम्मुखमा महामन्त्री पदका प्रत्यासी गगनकुमार थापाले ‘समुन्नत नेपाल, सम्मानित नेपाली’ को अवधारणा सार्वजनिक गरेका छन् ।
नेताहरुद्धारा विभिन्न पदमा उम्मेरदवारी प्रस्तुत गरिरहेको बेला युवा नेता थापाले महाधिवेशन प्रतिनिधिलाई लक्षित गर्दै यस्तो अवधारणा सार्वजनिक गरेका हुन् । औपचारिक रुपमा आप्mनो उम्मेदवारी घोाषणा गर्न काठमाडौंमा बिहिबार आयोजित एक कार्यक्रमका बीच थापाले ६१ पृष्ठ लामो अवधारणा पत्र सार्वजनिक गरेका हुन् ।
यसअघि एमालेका अध्यक्ष केपी शर्मा ओली प्रधानमन्त्री बन्दा ‘समृद्ध नेपाल सुखी नेपाली’ को नारा स्थापित गरेका थिए । थापाले त्यसैको नक्कल गरेको प्रतिक्रिया आइरहँदा थापाले यी दुई अवधारणामा धेरै भिन्नता भएको बताए । समृद्ध नेपाल र समुन्नत नेपाल फरक कुरा भएको उनको विश्लेषण छ ।
थापाले भने, ‘समृद्ध नेपालका परिकल्पनाकारले बोलेको भाषणका अन्तरवस्तु हेर्नुस् । पानीजहाज, फराकिलो बाटो, भ्यूटावर, चुच्चे रेल‘ तर त्यो रेलमा बस्ने मान्छेको अत्तोपत्तो छैन । भ्यू टावर छ, तर, त्यहाँबाट भुइँ मान्छे देखिँदैनन् ।’
थापाले समुन्नत नेपाल भनेको गन्तव्य नभएर निरन्तरको यात्रा र संकल्प भएको बताए । भोलिका दिनमा वंश, जात र लिंगका आधारमा हुने विभेद घट्दै गयो भने देश समुन्नतितर्फ लागेको भन्न मिल्ने उनको भनाइ छ । ‘जनताका न्यूनतम आवश्यकताको स्तर बढ्दै गयो भने त्यसलाई समुन्नतितर्फ बढ्दै गयो भन्न सकिन्छ,’ थापाले भने ।
यस्तो छ, गगनले सार्वजनिक गरेको अवधारणा पत्रः
