सिमकोट । सर्केगाड गाउँपालिकामा वालविवाह र वालश्रम अन्त्यका लागि पालिका स्तरिय देउडा प्रतियोगितामा दुल्ली महिला टिम प्रथम भएको छ ।
शनराइज युवक्लव सर्केगाडले आयोजना गरेको देउडा प्रतियोगितामा सहभागि ४ वटा समुहमा दुल्ली महिला टिम प्रथम भएको भएको क्लवका अध्यक्ष राजेश शाहीले जानकारी दिए ।
शाहीका अनुसार प्रतियोगितामा मुण्डी महिला टिम दोस्रो, डाँडासाँया महिला टिम तेस्रो र गैरीसाँया महिला टिम सान्त्वना भएका छन् ।
वाल विवाह र वालश्रमलाई न्यूनिकरण गर्ने उपाय, रोकथामलाई देउडाका माध्यमबाट स्थानीय नागरिकमा सचेतना जगाउने हिसाबले विभिन्न भाकाका देउडा गीतहरु गाएको क्लवले जनाएको छ ।
'प्रतियोगितामा सबै देउडा टिमहरुले वाल विवाह र वालश्रम दुवै वाल विकासका लागि बाधक भएको उल्लेख गर्दै महिला समुहहरुले गैरकानूनी त्यस्ता कामलाई समाजबाट हटाउन घर परिवार, समाज, विद्यालय, स्थानीय सरकार, सुरक्षा निकाय, नागरिक समाजदेखि स्वयम् वालवालिकाहरुको पनि अहम् भूमिका हुने भएकाले त्यसतर्फ सबैको सामुहकि पहल कदमी हुन आवश्यक रहेकोमा जोड दिएका थिए', क्ल्वका अध्यक्ष शाहीले नेपालवोटसँग भने, 'वाल विवाह र वालश्रमको न्यनिकरणका लागि अन्य सचेतनाका उपाय भन्दा देडा प्रतियोगिता निकै प्रभावकारी हुने देखेपछि हामीहरुले यो आयोजना गरेका हौं ।'
सर्केगाड गाउँपालकाको केन्द्र सर्केडामा आयोजना गरिएको प्रतियोगितामा पालिकाका जनप्रतिनिधि, राजनीतिक दलका नेता तथा कार्यकर्ता, नागरिक अगुवा, युवा तथा विद्यार्थी लगायत सयौको संख्यामा स्थानीयको सहभागिताका बीच कार्यक्रमको आयोजना गरिएको सहयोगि संस्था गुड नेवर इन्टरनेशनलका हुम्ला संयोजक गोविन्द चौधरीले जानकारी दिए ।
प्रतियोगितामा वाल विवाहको अन्त्य र वालश्रम न्यूनिकरणका विषयमा सडक नाटकको समेत प्रदर्शन गर्ने काम भएको थियो ।
प्रतियोगिताका बिजेता टिमलाई कार्यक्रममा पुरस्कृत समेत गरिएको देउडा प्रतियोगिता गुड नेवर इन्टरनेशनको आर्थिम सहयोग, किर्डाक नेपालको समन्वयमा सर्केगाड गाउँपालिकाको महिला वालवालिका तथा ज्येष्ठ नागरिक शाखा र शनराइज युवाक्लवको आयोजना गरिएको बताइएको छ ।
प्रकाशित मिति: बुधबार, वैशाख २३, २०८३ २०:५१
