काठमाडौं । रसुवाको भोटेकोशी बाढीले निम्त्याएको महाविपत्तिमा छिमेकी राष्ट्रहरुले सहयोगका हातहरु अघि बढाएका छन् ।
बाढीले रसुवा, नुवाकोट र धादि लगायतका जिल्लाहरुमो ठूलो जनधानको क्षती भएर राष्ट्रिय विपत्ति निम्तीएको बेला छिमेकी राष्ट्रहरुले यस्तो साथ अघि बढाएका छन् ।
दक्षिणको छिमेकी मुलुक भारतले बाढी प्रधावितहरुका लागि १० टन सहायता सामाग्री पठाउन लागेको छ ।
भारतीय विदेशमन्त्री डा. एस जयशंकरले १० टन राहत र औषधिजन्य सामग्री काठमाडौँ पठाएको जानकारी दिएका छन्।
उनले एक्समा लेख्दै नेपालको बाढीप्रभावित क्षेत्रमा मानवीय सहायता उपलब्ध गराइएको बताएका हुन्।
जयशंकरले भारत नेपाल र नेपालीहरूको साथमा रहेको पनि उल्लेख गरेका छन्।
तिब्बत–रसुवागढी बाढी प्रभावितको राहत र उद्धारमा लाग्न चिनियाँ राष्ट्रपति सीको निर्देशन
उता उत्तरको छिमेकी मुलुका चीनका राष्ट्रपति सी चिनफिङले उद्धार र राहतमा लाग्न निर्देशन दिएका छन्।
चीनको सीमावर्ती क्षेत्रबाट आएको बाढीले नेपालतर्फ ठूलो क्षति भएपछि चिनियाँ राष्ट्रपति सी चिनफिङले उद्धार र राहतमा लाग्न निर्देशन दिएका छन्।
बेपत्ता व्यक्तिहरूको खोजी र उद्धार गर्न, खतरामा परेका मानिसहरूलाई स्थानान्तरण र पुनर्स्थापना गर्न र घाइतेहरूको तुरुन्तै उपचार गरी हताहत कम गर्न सक्दो प्रयास गर्न उनको निर्देशन छ।
उनले अनुगमन र प्रारम्भिक चेतावनी प्रणालीलाई बलियो बनाउन, वैज्ञानिक उद्धार प्रयासहरूलाई जोड दिन र दोस्रो प्रकोपहरू रोक्नुपर्ने आवश्यकतामा पनि जोड दिए।
‘हामी अहिले बाढी रोकथामको लागि एक महत्वपूर्ण समयमा छौं। सबै क्षेत्र र सम्बन्धित विभागहरूले सबै बाढी र आँधीबेहरी रोकथाम उपायहरू इमानदारीपूर्वक लागू गर्नुपर्छ, विभिन्न जोखिम र लुकेका खतराहरूको अनुसन्धान र सुधारलाई बलियो बनाउनुपर्छ, ठूला प्रकोप र दुर्घटनाहरूलाई दृढतापूर्वक रोक्नुपर्छ, र जनताको जीवन र सम्पत्तिको सुरक्षा सुनिश्चित गर्नुपर्छ,’ सीले दिइएको निर्देशन सीआरआईले उधृत गरेको छ।
त्यस्तै चिनियाँ प्रधानमन्त्री ली छियाङले पनि निर्देशन जारी गर्दै बेपत्ता व्यक्ति र विपद् पीडितको संख्या द्रुत रूपमा प्रमाणित गर्न, उद्धार र राहत प्रयासहरू सञ्चालन गर्न सेनाहरू व्यवस्थित गर्न र जोखिममा परेका मानिसहरूलाई तुरुन्तै र व्यवस्थित रूपमा स्थानान्तरण गर्न आवश्यक रहेको बताएका छन्।
‘विदेश मन्त्रालयले सम्बन्धित देशहरूसँग सञ्चार र समन्वयलाई सुदृढ पार्नु पर्छ, तुरुन्तै स्थिति रिपोर्ट गर्नुपर्छ, र उद्धार कार्यलाई संयुक्त रूपमा र उचित रूपमा सम्हाल्नु पर्छ,’ लीको निर्देशनमा भनिएको छ।
निर्देशनअनुसार उपप्रधानमन्त्री झाङ गुओकिङले उद्धार र राहत प्रयासहरूलाई मार्गदर्शन गर्न सम्बन्धित विभागका अधिकारीहरूलाई घटनास्थलतर्फ खटाएका छन्।
प्रकाशित मिति: बुधबार, भदौ १०, २०८३ २३:२०
