माघ १७, क्वीयाङ । दक्षिणपश्चिम चीनको क्वीचोका दुर्गम क्षेत्रमा बसोबास गर्ने गरिबीको रेखामुनि रहेका करिब छ लाख ७० हजार नागरिकलाई विकशित समुदायमा लगेर सहज जीवनयापनका लागि प्रवन्ध गर्ने प्रान्तीय अधिकारीले जनाएका छन्।
बुधबार प्रान्तीय सरकारको वार्षिक सम्मेलनमा स्थानीय अधिकारीका अनुसार यो योजना चिनियाँ राष्ट्रपति सी चिनफिङको हो।
‘चीन सरकार र राष्ट्रपति सीको गरिबी निवारण अभियान अन्तर्गत सन् २०१९ मा गरीब जनतालाई सुगम वस्तीमा ल्याएर उनीहरूलाई सार्वजनिक सेवा, रोजगारीमुलक तालीम दिइने छ’, एक अधिकारी भने, ‘स्थानीय सरकारले कम्तिमा परिवारका एक जनालाई रोजगारी पनि दिने कार्यक्रम सार्वजनिक गरेको छ।’
उनीहरूलाई स्थानान्तर गरेर राखिने वस्तीमा पढाइका लागि विद्यालय, प्राथमिक विद्यालय, स्वास्थ्य केन्द्र वा औषधि उपचार केन्द्र पनि स्थापना गरिने छ। जसले उनीहरूको शिक्षा तथा स्वास्थ्यको लागि सहज पहुँच पुग्ने छ।
चीनमा अति गरिब मानिस रहेको क्वीचो प्रान्तले १३ औँ पाँच वर्षे योजना अन्तर्गत सन् २०१६ देखि २०२० सम्ममा १८ लाख ८० हजार गरिब नागरिकलाई गरिबीको रेखाभन्दा माथि उठाउने प्रयास गरिरहेको छ।
स्थानान्तरणमार्फत् गरिबी निवारण गर्ने कार्यक्रम चीन सरकारले विगत केही वर्षदेखि ‘प्रमुख अभियान’का रूपमा चलाएको छ।
यो कार्यक्रमले चीनलाई छोटो समयमा धेरै नागरिकलाई गरिबीबाट मुक्त गर्न सम्भव भएको अधिकारीले बताएका छन्। चीनले सन् २०२० सम्म मध्यमरूपको समृद्ध समाज निर्माण गर्ने र गरिबी निवारण गर्ने लक्ष्य लिएको छ।
