काठमाडौं । कवि तथा राष्ट्रसेवक रवि नेपालीद्वारा लिखित कविता सङ्ग्रह ‘धन्यवाद जिन्दगी’को विमोचन गरिएको छ ।
नेपाल प्रज्ञा प्रतिष्ठानका पूर्वउपकुलपति डा. विष्णुविभु घिमिरेले शुक्रबार एक कार्यक्रमका बीच उक्त कविता संग्रह विमोचन गरेका हुन् ।
डा. घिमिरेले साहित्य सृजनाका लागि कविता लेख्ने अभ्यासलाई निरन्तरता दिनुपर्नेमा जोड दिए । “कविता लेख्न गाह्रो छ, यसमार्फत जीवनका अनेकौँ आयामलाई समाजसँग जोड्न सकिन्छ,' उनले भने, तीन दशक लामो अवधीमा एउटा कविता संग्रह आउनु आफैमा निकै त्याग र साहित्यप्रतिको साधना हो । जुन जो कोहीले गर्न सकिदैन् । तर कवि रवि नेपालीले गर्नुभएको छ ।'
जीवनलाई नकरात्मकताको प्रतिबिम्ब बनाइरहेका बेला कवि नेपालीले उपहारका रुपमा धन्यवाद दिने काम नैं नयाँ भएको उल्लेख गरेका डा. घिमिरेले राष्ट्रको उच्च ओहदामा रहेर कामको चापका बीच गहकिला कविताहरुको संग्रह निकाल्नु निकै प्रशसनीय काम भएको प्रतिक्रिया दिए । उनले थपे, 'कविता कृतिमा तस्बीरको प्रयोग आफैमा नयाँपनको शुरुवात कवि रविले ‘धन्यवाद जिन्दगी’ मा गर्नु भएको छ ।'
कार्यक्रममा आप्mनो कृतिका बारेमा बोल्दै कवि नेपालीले सहज जीवन दर्शनलाई कवितामार्फत प्रस्तुत गरेको बताए । “सजिलो जिन्दगी बाँचेर यो जिन्दगी जे छ रमाइलो छ । दुःखसुख दुवैको सङ्गमकै कारण जिन्दगी रमाइलो छ, त्यसैले धन्यवाद जिन्दगी ।”
साहित्यकार डा. भागवत ढकालले रवि नेपालीको सृजनामा जागिरे जीवनभन्दा परको कलात्मक सामथ्र्य र विम्बात्मक अभिव्यक्तिलाई विशेषता बनाइएको टिप्पणी गर्नुभयो । त्यस्तै प्राध्यापक डा गार्गी शर्माले समाजमा देखेका र भोगेका कुरालाई प्रस्तुत गर्ने क्रममा कविले तिक्ततालाई समेत मिठासमा रूपान्तरण गर्न सफल भएको टिप्पणी गरे ।
ललितकला प्रतिष्ठानका पूर्वउपकुलपति केके कर्माचार्य र प्राध्यापक डा. कुमारप्रसाद कोइरालाले कृतिबारे आ–आफ्ना धारणा राख्दै नेपाली कवितामा यसले नयाँ चेतना थप्नेमा विश्वास व्यक्त गरेका छन् ।
कविता संग्रहमा कवि रवि नेपालीले आप्mनो कामको सिलशिलामा देशका विभिन्न स्थानमा गरेको अनुभवलाई समेटेका छन् ।
